• Groupe ADP-ის კომპანიის მიმდინარე ან ყოფილ თანამშრომელს,
• Groupe ADP-ის კომპანიაში მუშაობის მსურველ აპლიკანტს,
• Groupe ADP-ის კომპანიის აქციონერს, პარტნიორს ან საერთო კრებაზე ხმის მიცემის უფლების მქონე პირებს,
• Groupe ADP-ის კომპანიის სტაჟიორს, მივლინებაში მყოფ თანამშრომელს, დროებით თანამშრომელს ან ნებისმიერ სხვა გარე ან/და დროებით თანამშრომელს,
• Groupe ADP-ის კომპანიის მიმწოდებელს, ქვეკონტრაქტორს, სერვისის გამწევს, ასოციაციას ან ნებისმიერ სხვა გარე პარტნიორს
• Groupe ADP-ის კომპანიის მიერ მართული ობიექტების კლიენტს ან მომხმარებელს
• ადგილობრივი საზოგადოების წევრი ან ნებისმიერი სხვა დაინტერესებული მხარე, რომელზეც პოტენციურად ახდენს გავლენას Groupe ADP-ის საქმიანობა.
• მხარდამჭერი პირი (ფიზიკური ან იურიდიული პირი, რომელიც მამხილებლის მიერ დარღვევის შესახებ ინფორმაციის გამჟღავნების ან შეტყობინების შემდეგ წარმართავს პროცესს)

• Groupe ADP-ის ქცევის კოდექსის ან მასთან დაკავშირებული ეთიკის და შესაბამისობის პროცედურების სერიოზული და აშკარა დარღვევა (მაგ., კორუფცია, ზეგავლენით ვაჭრობა, ინტერესთა კონფლიქტი, თავისუფალი კონკურენციის პრინციპის დარღვევა, საჩუქრების შესახებ წესების დარღვევა, ინფორმაციისა და პერსონალური მონაცემების დაცვის ნორმების დარღვევა).
• დანაშაული ან სისხლისსამართლებრივი დარღვევა (მაგ., დამამძიმებელ გარემოებაში ქურდობა, გაუპატიურება, თავდასხმა) ან სამართალდარღვევა (მაგ., საგადასახადო თაღლითობა, კომპანიის აქტივების არამართლზომიერი გამოყენება, სექსუალური ან ფსიქოლოგიური შევიწროება, ნებისმიერი სახის დისკრიმინაცია).
• კანონის, რეგულაციის (მაგ., განკარგულება, ბრძანება), საფრანგეთის მიერ სათანადოდ რატიფიცირებული ან დამტკიცებული საერთაშორისო დათქმის, ევროკავშირის კანონმდებლობის ან საერთაშორისო ორგანიზაციის ცალმხრივი აქტის დარღვევა ან დარღვევის დამალვის მცდელობა.
• სიტუაცია, რომელმაც შესაძლოა საფრთხე შეუქმნას ან დააზარალოს საზოგადოებრივი/საჯარო ინტერესი (მაგ., ქმედებები, რომლებმაც შესაძლოა ჯანდაცვის ან გარემოს კუთხით საზოგადოების უსაფრთხოებას საფრთხე შეუქმნას ან დააზიანოს), ადამიანის უფლებების და ფუნდამენტური თავისუფლებების უხეში დარღვევები.
• შურისძიების ზომები იმ პირების წინააღმდეგ, რომლებიც პრობლემას აფიქსირებენ ან მის მოგვარებაში მონაწილეობენ.

• ობიექტური ფაქტები, რომელთა გადამოწმებაც შესაძლებელია და რომლებიც დაკავშირებულია კონკრეტულ დარღვევასთან
• მოხსენებული დარღვევების ადგილი და თარიღი ან სავარაუდო დრო
• გარემოებები, რომლებშიც შემტყობინებელმა პირმა შეიტყო დარღვევების შესახებ
• სავარაუდო დამრღვევების და მსხვერპლების ვინაობა და ფუნქციები
• მოწმეების არსებობა, მათი ვინაობა და ფუნქციები
• სამართლებრივი ან მსგავსი საქმისწარმოების მიმდინარეობა (მაგ., მედიაცია, არბიტრაჟი და სხვა), რომელიც გარდაუვალი ან მიმდინარეა.
• თუ შესაძლებელია, წარმოდგენილი უნდა იყოს დამადასტურებელი დოკუმენტები

• ხვდება თუ არა ჩემი სტატუსი კატეგორიებში - „ვის შეუძლია შეტყობინების გაგზავნა?“?
• ფაქტები, რომელთა შესახებაც ვგზავნი შეტყობინებას, ხვდება მხილების სისტემის მოქმედების სფეროში (იხილეთ ნაწილი „რის შესახებ შეგიძლიათ შეტყობინება?“)
• ფაქტები, რომელთა შესახებაც ვგზავნი შეტყობინებას, არის საკმარისად ზუსტი, დეტალურად აღწერილი და დასაბუთებული იმისათვის, რომ მოხდეს მათი დამუშავება (იხილეთ ნაწილი „რა იგულისხმება ფაქტების ზუსტ აღწერაში?“).
• მიღების დასტურის გამოგზავნიდან 3 თვეში მივიღებ პასუხს იმაზე, აკმაყოფილებს თუ არა ჩემი შეტყობინება დასაშვებობის კრიტერიუმებს.

- თუ ჩემი შეტყობინება დასაშვები არაა, ის დაიხურება

- თუ ჩემი შეტყობინება დასაშვებია, დაიწყება მისი დამუშავების ფაზა

- ჩემი შეტყობინების დასაშვებობის ანალიზისას შესაძლოა ჩემგან რაიმე ინფორმაციის მიწოდება გახდეს საჭირო. ამიტომ ყურადღებით ვიქნები, რათა არ გამომრჩეს შეტყობინებების პლატფორმის შეტყობინებები და ვუპასუხო ნებისმიერ კითხვას დაცული შეტყობინების სისტემის გამოყენებით.

• ინფორმირებული ვარ შეტყობინების დასაშვებობაზე და მიმდინარე პროცესზე.
• შექმნილია დამუშავების კომიტეტი მოკვლევის სტრატეგიის დადასტურებისა და მოკვლევის ფუნდამენტურ პრინციპებთან (კონფიდენციალურობა, ობიექტურობა, მიუკერძოებლობა, დამადანაშაულებელი და გამამართლებელი მტკიცებულებები) შესაბამისობის უზრუნველყოფისთვის.
• მოკვლევის/გამოძიების დასრულების შემდეგ დამუშავების კომიტეტი ახდენს შემდეგი მასალის დადასტურებას :

- მოკვლევის ანონიმური ანგარიში

- გაცემული რეკომენდაციები

- უკუკავშირი მამხილებლებისთვის და იმ პირებისთვის, რომლებსაც ეხება რეკომენდაციები

მოკვლევის/გამოძიების და შეტყობინების პროცესის ბოლოს, და დაინტერესებულ მხარეთა დასაცავად მოკვლევის დასრულების შემდეგაც :

• ხდება მოკვლევის/გამოძიების დოკუმენტების განადგურება
• უსაფრთხო არქივებში 12 წლის ვადით ინახება მხოლოდ შემდეგი დოკუმენტები:
• მოკვლევის პროცესის მიკვლევადობისთვის საჭირო დოკუმენტები (მაგ., საკონტროლო ფურცლები და სხვ.)
• ანგარიში და მისი დანართები
• გაცემული რეკომენდაციები

დაინტერესებულ მხარეთა დაცვა გრძელდება მოკვლევის დასრულების შემდეგაც, რათა თავიდან აცილებულ იქნეს მათ წინააღმდეგ სადამსჯელო ღონისძიებები. საჭიროების შემთხვევაში, შეგიძლიათ გააგრძელოთ კომუნიკაცია შეტყობინების პლატფორმის გამოყენებით.

შეტყობინებისა და მოკვლევის თითოეულ ეტაპზე კონფიდენციალურობის უზრუნველსაყოფად :

- თითოეული დაინტერესებული მხარე ხელს აწერს კონფიდენციალურობის შეთანხმებას

- ყველა დოკუმენტი ანონიმურია და ინახება დაცულ პლატფორმაზე, რომელზე წვდომაც შეზღუდულია.

- გასაუბრებები ტარდება ისეთ სივრცეებში, სადაც უზრუნველყოფილია კონფიდენციალურობის დაცვა.